اہل بیت (ع) نیوز ایجنسی ـ ابنا ـ کی رپورٹ کے مطابق ایران کے وزیر دفاع بریگیڈیر جنرل حسین دہقان نے سپاہ پاسداران انقلاب اسلامی کی جانب سے صہیونی ریاست کے ڈرون طیارے کی سرنگونی کے بارے میں کہا کہ ایران کے مرکز میں اس ڈرون طیارے کی موجودگی، صہیونی ریاست کے ناپاک عزائم کی غمّاز ہے۔ جنرل دہقان نے وضاحت کی کہ اسرائیل اور امریکہ، اپنے اہداف کو معیّن کرنے کے خواہشمند رہیں ہیں اور اسرائيل کے جاسوس طیارے کو، اطلاعات و معلومات حاصل کرنے، تصاویر اتارنے، گفتگو سننے اور مواصلاتی جاسوسی کے لئے ایران کی فضائی حدود میں بھیجا گیا تھا۔ ایران کے وزیر دفاع نے تاکید کی کہ تھران نے ہمیشہ واضح الفاظ میں کہا ہے کہ وہ کسی بھی قسم کے حملے کا دندان شکن جواب دے گا اور اسرائيل کے ڈرون طیارے کی سرنگونی نے ایران کے دفاع کے استحکام کو ثابت کردیا ہے۔ واضح رہے کہ سپاہ پاسداران انقلاب اسلامی کے تعلقات عامہ نے گذشتہ روز ایک اعلامیہ جاری کیا ہے جس میں آیا ہےکہ سپاہ پاسداران انقلاب اسلامی نے صہیونی ریاست کے ایک ڈرون طیارے کی شناخت کے بعد اسے میزائل کے ذریعے مار گرایا ہے۔
.......
/169
